دى مقارنة ما بين احسن موبيلات نزلت فى السوق و موبيلات تمت تجربتها من اصدقاء ليا...و الموبيلات اللى نزلت فى السوق جديد برضه تمت تجربتها من اصدقائى و اليكم المقارنة "المفيده بجد"

 دى مقارنة ما بين احسن موبيلات نزلت فى السوق و موبيلات تمت تجربتها من اصدقاء ليا...و الموبيلات اللى نزلت فى السوق جديد برضه تمت تجربتها من اصدقائى و اليكم المقارنة "المفيده بجد"

اول موبايل هو حلم الملايين... Nokia N8




مميزاته اهى...http://www.gsmarena.com/nokia_n8-3252.php

تعليقى الشخصى...الموبايل كاميرته 12 ميجا بكسل و دى اكبر ميزة فى الموبايل ده عشان هتطلع فيديو و صور عالية النقاء و هو محبذ للناس اللى بتحب تصور كتير ...سرعة الموبايل متوسطه و ده لأنه موبايل ترفيهى اكتر منه موبايل عملى لأن الموبايل العملى هو اللى بيستخدمه رجال الاعمال فى متابعة البورصة و ارسال الرسائل بسرعه ..عايز موبايل عملى اكتر ؟ يبقى السامسونج الجديد و ليس القديم...ميزة النوكيا برضه فى ان برامجه متاحه و سهله و ده اللى مش متوافر فى معظم موبيلات السامسونج لأن النوكيا يشتغل بنظام ال Symbian
ميزة النوكيا عموما فى سعره و ده اللى مخللى ناس كتير تشترى النوكيا و اتشهر اكتر من العربية ال 128 برغم ان فيه موبيلات كتير احسن من نوكيا...ال n8 بيجى معاه ذاكره 16 جيجا و دى ميزة برضه مش موجوده فى اغلب الموبيلات القديمة زى ال n73 و ال n70
الموبايل طبعا غالى لأنه من الموبيلات الحديثه
--------------------------------------

تانى احسن نوكيا هو ال n95





مميزاته اهى..http://www.gsmarena.com/nokia_n95-1716.php

تعليقى الشخصى..من احسن الموبيلات القديمة و التى ما زالت تستخدم حتى الآن و لكن اخر ذاكرته هى 8 جيجا فقط...لكن عموما اى موبايل لا ينصح بأستخدام كامل مساحة الكارت لأنه هيبقى بطىء
الموبايل طبعا بطىء بالنسبة للموبيلات الحديثه "600 ميجا هرتز" زى ال Omnia HD مثلا ...لكن له ميزة انه رخيص و الكاميرا ليست سيئة..5 ميجا بيكسل و بيشغل الام بى ثرى زى الفل و ده موبايل جامد جدا كحل مؤقت عقبال ما تشترى الموبايل الاحدث و انا عن نفسى هشتريه و هتبقى النقلة الجاية طبعا بإذن الله ال Samsong Omina HD i8910
دول احسن موبيلين فى النوكيا فى رأيى الشخصى و رأي اصدقائى اللى جربوها

و ده ال N95 اللى مساحة ذاكرته 8 جيجا داخلى


----------------------------------

نخش بأه على الكنج الكبير...الســــــامســـــونـــــج
اول موبايل هو Samsung i900 Omnia





مميزاته اهى...http://www.gsmarena.com/samsung_i900_omnia-2422.php

تعليقى الشخصى...موبايل مش محتاج كلام...
كاميرا 5 ميجا بكسل عالية النقاء ...فيها اوتو فوكس و فلاش زينون
الموبايل متوسط السرعه زى ال n95 كده لكن يميزه عن ال n95 ان صورته احسن سرعته 600 ميجا هرتز
ذاكرته الداخليه 8 جيجا و تقدر تضيف ليه لحد 16 جيجا...و دى ميزة كويسة جدا لأن الموبايل صورته نضيفه جدا و تقدر تحط عليه افلام و اغانى و تشوف الفيلم او تسمع الاغنية و انت مسافر مثلا و هتستمتع بنقاء الشاشه لأنها كبيرة 3.7 انش و ده حجم كبير جدا بالنسبة لشاشة موبايل...
بالنسبة للسعر فا هو رخيص بالنسبة للأداء العالى ده

-------------------------------------

مع معشوقى الاول ابو عيون جريئة...قصدى ابو شاشة نقية جدااااااا الباشا الكبييييييير اوى Samsung i8910 Omnia HD




مميزاته اهى ...http://www.gsmarena.com/samsung_i8910_omnia_hd-2691.php

التعليق الشخصى...
طبعا واضح من كلامى ان ده احسن موبايل و طبعا اغلى موبايل نزل فى السوق
يتميز ال Samsung i8910 Omnia HD بصورته عالية النقاء لأنه بيتشغل بتقنية جديده اسمها الامولد او ال AMOLED و دى بتدى صورة فاقعه بألوان احسن من كل الموبيلات اللى فى السوق و اى موبايل بيتشغل بتقنية الامولد يبقى اضمن انه موبايل صورته عالية النقاء
يعيب الموديل ده انه الى حد ما بطىء 600 ميجا هرتز برضه...لكن الصورة نقية جدا و دى حاجة تغنى عن سرعته
الموبايل ده يا جماعه بيتشقلب ولا سحر ولا شعوزة هههههههه....قصدى الموبايل فيه ذاكره داخلية 8 جيجا و لحد 16 جيجا....
سعر الموبايل بالنسبة للموبيلات الحديثه اللى زيه رخيص...لكن انا معرفش اسعار لأنها بتختلف من مكان الى مكان لكنه رخيص عموما

------------------------
تانى اصدار من ال omnia هو ال Samsung I8000 Omnia II



مميزاته اهى..http://www.gsmarena.com/samsung_i8000_omnia_ii-2836.php

تعليقى الشخصى...
الموبايل سريع جدا 800 ميجا هرتز...و خفيف و الكاميرا حلوة 5 ميجا بكسل...فيه منه كذا اصدار من الذاكرة الداخلية فيه منه 2 جيجا و 4 جيجا و لحد 8 جيجا ...و مسموح انك تضيف له لحد 32 جيجا...يعنى اكنك ماشى بهارد ديسك يعنى حط اللى انت عايزه عليه و براحتك لأنه سريع و مش هيقولك لأ على اى حاجة
طبعا مساحة الشاشة كبيرة 3.7 انش و بيتشغل برضه بتقنية الامولد اللى بتدى اعلى صورة نقية و واضحه فى العالم لجميع الموبيلات
الموبايل طبعا سعره غالى عموما هو عند التميمى ب 2450 جنيه...و نصيحتى ليك هات لك واحد N95 مؤقتا عقبال ما تجيب السامسونج...
حاليا السامسونج برامجه متاحه و اصبح له شعبية حاليا يمكن اكتر من النوكيا و انصح بالموبيلين دول من السامسونج لو قررت تجيب موبايل جديد
ال iphone غير محبذ لأنه معمول اساسا لرجال الاعمال يعنى استخداماته مش لينا احنا الشباب و كمان ال iphone غالى جدا جدا